Verlange

Ek verlang vandag na mense wat uit my lewe verdwyn het. Vir al en enige rede. Mense wat een dag sou kom kuier, en nooit opgedaag het nie, wat in die wind verdwyn het en gate gelos het.
Mense van wie jy nou en dan nog deeltjies van hulle lewe hoor. Hulle bly in die kaap, het getrou, pa geword. Geskei. Is nou gelukkig.
Mense met wie ek dele van my lewe oop en bloot gelewe het. Vreugde en pyn gedeel het. My hand vasgehou het en my rug gevryf het totdat hulle vingers doodgegaan het. Mense wie ek gedink het altyd in my lewe sou wees, en vir wie ek nooit gese het hoeveel ek hulle waardeer nie. Aan wie ek in die nanag dink en wonder waar hulle is, en of hulle dalk aan my ook dink.